— NGANJANG —

oleh -34 Dilihat
oleh

by Hayat S Hidayat

waktu kuring datang
manehna mapag ku imut jeung teuteupan
(sampurasun nu di bumi)
(kuring dongkap nohonan jangji kamari)

sore eta bajuna kayas beungeutna pias
sore eta langit bengras lir mapag ucap kaihlas

kembang hebras na jambangan
kembang hate na lamunan
teh manis kareueut na saban teuteup
kembang renda taplak meja
jajantung ngetrokan dada

ucap demi ucap meh paragat na biwir sakarat
demi letah karasa tambah bareurat
(ya, Robbi, jadikeun kuring lalaki)
(jadikeun kuring lalaki)

alhamdulillah
harita kuring balaka sarta harita kuring ditarima
nya manehna wanoja nu mimiti narima cinta

basa kuring mulang
lengkah teh teuing ku hampang
tarate papaes hate
estu ligar na rangkulan

(kleung dengdek buah kopi ruruntuyan)
(kleung dengdek buah kopi raranggeuyan).

Bandung’65.

Baca Juga  Minimal Hafal Al-Quran 15 Juz, Dapat Beasiswa Perguruan Tinggi Negeri

Tinggalkan Balasan

Alamat email Anda tidak akan dipublikasikan. Ruas yang wajib ditandai *

No More Posts Available.

No more pages to load.